Güntay Hüseynli rəssam ailəsində doğulub, incəsənətlə uşaq yaşlarından tanışdır. Əvvəllər memarlığa marağı olsa da, atasının təkidi ilə özünü heykəltəraşlıq sahəsində sınayıb və daha sonra elə bu sənətə maraq duymağa başlayıb. Artıq 10 ildən çoxdur ki, heykəltəraşlıqla məşğuldur. O, keçmiş Əzim Əzimzadə adına incənət kollecini bitirib, hazırda heykəltəraşlıq üzrə Rəssamlıq Akademiyasında təhsil alır. İncəsənətin digər sahələrində olduğu kimi bu sahədə də əsas elemetlərdən biri insanın əhvalıdır. Əl işlərinin hazırlanma müddəti heykəltəraşın əhvalına və hazırlanan heykəlin həcminə görə dəyişir. Güntay Hüseynli öz təxəyyülünün məhsulu olan heykəlləri hazırlamağa üstünlük verir. Bu sənətin özünəməxsus çətinlikləri olsa da bunların heç biri onun bu sahəyə hiss etdiyi maraq ve sevgini üstələyə bilmir.