Çərşənbə günü Azərbaycanda koronavirus (COVID-19) infeksiyasına 553 yeni yoluxma faktı qeydə alınıb, 736 nəfər müalicə olunaraq sağalıb.
Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 11 nəfər vəfat edib.
2022-ci il yanvarın 5-dək ölkədə ümumilikdə 618918 nəfərin koronavirus infeksiyasına yoluxması faktı müəyyən edilib, onlardan 603055 nəfər müalicə olunaraq sağalıb, 8409 nəfər vəfat edib, aktiv xəstə sayı 7454 nəfərdir.
Son sutka ərzində yeni yoluxma hallarının müəyyənləşdirilməsi ilə əlaqədar 9527, ötən müddət ərzində isə ümumilikdə 5899183 test aparılıb.
Azərbaycanda keçən il fevralın 18-dən vaksinasiya başlayıb.
Ölkədə 2022-ci il martın 1-dək xüsusi karantin rejimi tətbiq edilib.
Operativ Qərargahın qərarına görə, 2021-ci il mayın 31-dən Azərbaycanda açıq havada maska taxılması ləğv olunub. Bakı metropoliteninin, şəhərlərarası və rayonlararası sərnişindaşıma fəaliyyəti bərpa edilib.
İyunun 10-dan “Mall” və iri ticarət mərkəzlərinin, idman sağlamlıq obyektlərinin, ibadət yerlərinin fəaliyyətinə icazə verilib.
İyulun 1-dən toy, nişan və digər mərasimlərin keçirilməsinə icazə verilib.
Ölkədə keçən il sentyabrın 1-dən COVID-19 pasportu tətbiq edilir.