Müstəqil şərhçi Xaləddin İbrahimli İran rəsmilərinin Azərbaycana qarşı kəskin bəyanatının daxili siyasətə hesablandığını güman edir. Onun fikrincə, prezident seçkiləri dövründə namizədlər bir-birinə qarşı Azərbaycanla bağlı bəyanatlarından istifadə etməyə çalışır. Hər bir namizəd çoxmilyonlu azərbaycanlı elektoratın səsinə can atır.
Şərhçi İranda prezident seçkilərindən sonra daxili və xarici siyasətdə vəziyyətin stabilləşəcəyinə ümid edir. “İranda yaşayan azərbaycanlılar kimə səs verəcəyini yaxşı bilir. Prezident Mahmud Əhmədinejadın dövründə onların hər hansı hüququ qorunmayıb”.
