BMT-nin Qaçqınlar Agentliyinin son hesabatında İraq və Əfqanıstandakı münaqişələr ikinci ildir dünyada ən böyük qaçqın problemi yaradan münaqişələr adlandırılır. Hesabatda deyilir ki, İraq və Əfqanıstan qaçqınlarının sayı 11.4 milyon nəfər təşkil edir. Bu ölkələrdən sonra Kolumbiya, Sudan və Somalinin adları çəkilir. BMT-nin Qaçqınlar Agentliyinin hesabatında bildirilir ki, 2006-cı ilədək 5 il ərzində qaçqın sayı azalan xətt üzrə inkişaf edib və keçən il isə yenidən yüksəlməyə başlayıb.
