Milli Şuranın 18 avqust mitinqi başa çatdı [VİDEOLAR - FOTOLAR]
Mitinqdə minlərlə insan iştirak edib
19:35/ 18 avqust / Bakı
MİTİNQİN QƏTNAMƏSİ
Demokratik Qüvvələrin Milli Şurasının oktyabrın 9-da keçiriləcək prezident seçkiləri öncəsi təşkil etdiyi ilk mitinq qətnamənin oxunması ilə başa çatdı.
ƏLİ KƏRİMLİ ÇIXIŞ ETDİ
AXCP sədri Əli Kərimli çıxış edərək apardıqları mübarizənin qeyri-zorakı olduğunu bildirib: "Ən ali dəyərlər naminə belə biz ölkəmizdə qarşılıqlı zorakılığın olmasını istəmirik. Biz buna yol verməyəcəyik". Çıxış yolunu dinc mübarizədə gördüyünü deyən cənab Kərimli dünyada onlarla xalqın bu yoll azadlığına qovuşduğunu bildirib.
İŞIQLAR SÖNÜB
Mitinqdə Müsavat Gənclər Təşkilatının sədr müavini Əhəd Məmmədli Azərbaycan prezidenti İlham Əliyevi tənqid edən zaman işıqlar bir neçə dəfə söndürülüb. Hazırda da mitinq elektrik enerjisi olmadan davam edir. --------------------------------------------------------------------------------------------------
18:45
"İki dəfə bəsdir, getmək vaxtı gəldi"
Mitinq iştirakçıları şüarlar səsləndirirlər. Şuarlar arasında ən çox eşidiləni budur: "İki dəfə bəsdir, getmək vaxtı gəldi"
ELDAR NAMAZOV ÇIXIŞ ETDİ
Mitinqdə çıxış edən Milli Şuranın İcra Aparatının rəhbəri Eldar Namazov mitinq iştirakçılarını əmin edib ki, Milli Şura bütün hallarda seçkilərə vahid namizədlə gedəcək.
İSA QƏMBƏR ÇIXIŞ ETDİ
Mitinq zamanı çıxış edən Müsavat başqanı İsa Qəmbər onun adını çağıran tərəfdarlarına isttinadən bildirib: "Burada ayrı-ayrı adları çağırmağa ehtiyac yoxdur. Əgər ada ehtiyac varsa, biz bu gün burada yalnız Rüstəm müəllimin adını çəkməliyik. Bu gün Azərbaycan demokratik düşərgəsinin, Azərbaycan Milli Şurasının vahid namizədi Rüstəm İbrahimbəyovdur. Biz onun seçkidə iştirak etmək şansını son günədək gözlüyəcəyik, bu şansın reallaşması üçün sizlərlə, bütün xalqımızla bir yerdə qələbə üçün çalışacağıq".
MİTİNQDƏN ÖNCƏ ƏLİ KƏRİMLİNİN AMERİKANIN SƏSİNƏ AÇIQLAMASI
Mitinq başlayana yaxın Milli Şuraya daxil olan Azərbaycan Xalq Cəbhəsi Partiyasının sədri Əli Kərimli Amerikanın Səsinə açıqlama verib. Cənab Kərimlinin sözlərinə görə, hər bir mitinq xalq iradəsinin ifadəsidir: "Azərbaycan həkuməti də gərək bu iradə ilə hesablaşsın. Mitinqin əsas tələbi də azad və ədalətli seçkilərin keçirilməsidir". Əli Kərimli açıqlama zamanı Milli Şuranının sədri Rüstəm İbrahimbəyovun Bakıya nə zaman gələcəyi barədə suala cavab verib.
"Mitinqə gələn insanların avtobusları dayandırıb və onların mitinqə gəlməsinə problemlər yaradılır"
Hazırda meydanda olan Amerikanın Səsinin müxbiri Tapdıq Fərhadoğlunun bildirdiyinə görə, meydançaya minlərlə insan toplaşmaqdadır. Qaldırılan şüarlar arasında "Siyasi məhbuslara azadlıq", "Azadlıq" kimi şüarlara rast gəlmək olar. Mitinqdə iştirak edən N!DA vətəndaş hərəkatı təmsilçiləri sə qurumun həbsdə olan bütün üzvlərinin şəkillərini qaldırıb.
Mitinqin rəsmi hissəsi hələlik başlamayıb. Aparıcı hazırda elan edir ki, mitinqə gələn insanların avtobusları dayandırıb və onların mitinqə gəlməsinə problemlər yaradılır. Aparıcı elan edir ki, bu səbəbdən mitinq bir az gecikir.
--------------------------------------------------------------------------------------
16:50 / 18 avqust 2013 / Bakı
MİLLİ ŞURA MİİTİNQƏ HAZIRLAŞIR
Milli Şuranın yerli vaxtla saat 17:00-da keçiriləcək Bakının Bayıl qəsələbəsindəki sürücülük məktəbinin meydançasında mitinqi başlamaq üzrədir. Artıq insanlar meydançaya toplaşmaqdadır. Bakı Şəhər İcra Hakimiyyətinin keçirilməsinə razılıq verdiyi bu mitinq 20:00-dək davam etməlidir. Meydanda vəziyyəti əks etdirən fotoları təqdim edirik.
Amerikanın Səsində 2007-ci ildən fəaliyyət göstərir. "Amerikana" proqramının təsisçisi və aparıcısı, "Amerika İcmalı" həftəlik televiziya proqramının baş prodüseridir. Çoxsaylı siyasi, sosial və analitik müsahibə və reportajların müəllifidir.
![Əli Kərimlinin Amerikanın Səsinə açıqlaması [18 avqust mitinqi]](https://gdb.voanews.com/c2de72fc-0a17-4491-9049-07481594e6cc_tv_w250_r1.jpg "Əli Kərimlinin Amerikanın Səsinə açıqlaması [18 avqust mitinqi]")
