Prezident Co Bayden çərşənbə günü Senat tərəfindən təsdiqlənmiş Ukrayna, İsrail və Tayvana milyardlarla dollarlıq yeni yardımlar nəzərdə tutan paketi imzalayıb.
Paketə dörd qanun layihəsi daxildir. Bunlardan biri Ukraynaya 61 milyard dollar, ikincisi (26 milyard) İsrailə, üçüncüsü (8,12 milyard) Hind-Sakit okean regionunda “kommunist Çinlə mübarizə” üçün, dördüncüsü isə sosial şəbəkə tətbiqi TikTok-un potensial olaraq qadağası, müsadirə edilmiş Rusiya aktivlərinin Ukraynaya köçürülməsi üçün tədbirlər və İrana qarşı yeni sanksiyalar daxildir.
“Bu, Amerika üçün yaxşı gündür, Avropa üçün yaxşı gündür və dünya sülhü üçün yaxşı gündür” deyən prezident, görülən tədbirlərin birbaşa Amerikanın milli təhlükəsizlik maraqlarına uyğun olduğunu bildirib.
"Ukraynanın qələbəni təmin etmək üçün indi iradəsi və bacarığı var" Bayden vurğuladı və əlavə etdi ki, Ukraynaya silah və texnikanın tədarükü dərhal, "yaxın bir neçə saat ərzində" başlayacaq.
İki ABŞ rəsmisi Reuters-ə bildiriblər ki, ABŞ artıq Ukraynaya milyard dollarlıq hərbi yardım paketi hazırlayır. Bayden qanun layihəsini imzaladıqdan sonra həmin yardım ayrılacaq.
"Güc sayəsində sülh. Bu, bizim ənənəmizdir", Alyaskadan olan respublikaçı senator Den Sallivan Senatın zalında çıxış edərkən deyib. "Mənim Senatdakı Respublikaçı həmkarlarım və dostlarım üçün ənənəmiz daha çox əhəmiyyət daşıyır. Biz onunla fəxr edirik. Və Mən sizə bunu deyirəm: Bu, Amerika xalqı tərəfindən daha çox dəstəklənir ".
Ukrayna prezidenti Volodimir Zelenski ABŞ qanunvericilərinə qanun layihəsini qəbul etdiklərinə görə təşəkkür edərək, sosial mediada “qanun layihəsinin tezliklə imzalanmasını və danışıqlarımızda həmişə gördüyüm qətiyyətə uyğun gələn növbəti hərbi yardım paketini səbirsizliklə gözlədiyini” deyib.
“Ukraynanın uzaqmənzilli silahları, artilleriya və hava hücumundan müdafiəsi ədalətli dünyanın tezliklə bərpası üçün ən vacib vasitələrdir”, Zelenski bildirib.
Pentaqonun sözçüsü çərşənbə axşamı jurnalistlərə bildirib ki, Ukraynaya yeni yardım “günlər ərzində” veriləcək.
Forum