ABŞ Konqresinin Nümayəndələr Palatası şənbə günü iki partiyanın dəstəyi ilə Ukrayna, İsrail və Tayvana dörd hissədən ibarət 95 milyard dollarlıq xarici yardım paketini qəbul edərək, Konqresdə uzun və çətin bir yoldan sonra qanun layihəsinin qanuna çevrilməsinə yol açıb.
Qanunvericiliyə Kyivin Moskvanın təcavüzünə qarşı davam edən müharibəsi üçün 61 milyard dollar, o cümlədən İsrail üçün 26 milyard dollar və Qəzza da daxil olmaqla münaqişə zonalarında mülki şəxslər üçün humanitar yardım və Hind-Sakit okean regionu üçün 8 milyard dollar daxildir.
Nümayəndələr Palatasının spikeri, Luiziana ştatından Respublikaçı nümayəndə Mayk Conson qanun layihələrini elə strukturlaşdırıb ki, hər hansı bir maddəyə qarşı etirazların bütün razılaşmanı pozmasının qarşısını almaq üçün qanun layihəsinin hər biri təsdiq edildikdən sonra onlar birləşdirilə bilsinlər.
“Bu gün Nümayəndələr Palatasında hər iki partiyanın üzvləri milli təhlükəsizlik maraqlarımızı irəli sürmək üçün səs verdilər və Amerikanın liderliyinin dünya səhnəsində gücü haqqında aydın mesaj verdilər. Bu kritik dönüş nöqtəsində onlar aylarla mübarizə apardığım son dərəcə ehtiyac duyulan milli təhlükəsizlik qanunvericiliyini qəbul edərək, tarixin çağırışına cavab vermək üçün bir araya gəldilər ", prezident Co Bayden şənbə günü açıqladığıa bəyanatda bildirib.
“Mən Senatı tez bir zamanda bu paketi masama göndərməyə çağırıram ki, mən onu qanun olaraq imzalaya bilim və biz Ukraynanın döyüş meydanında təcili ehtiyaclarını ödəmək üçün tez bir zamanda silah və texnika göndərə bilək”, Bayden bildirib.
Demokratların çoxluq təşkil etdiyi Senatın gələn həftənin əvvəlində qanunvericiliyi qəbul edəcəyi və sonra onu imzalamaq üçün prezident Baydenə göndərəcəyi gözlənilir.
Senatda Demokrat çoxluğun lideri, Nyu-York ştatından Senator Çak Şumer şənbə günü verdiyi açıqlamada Senatın “çərşənbə axşamı günortadan sonra ilk səsverməni yekunlaşdıracağını” təsdiqləyib.
“Ukraynadakı dostlarımıza, NATO-dakı müttəfiqlərimizə, İsraildəki müttəfiqlərimizə və bütün dünyada köməyə ehtiyacı olan insanlara: əmin olun ki, Amerika yenidən kömək edəcək”, Şumer bildirib.
Ukrayna prezidenti Volodimir Zelenski ABŞ Konqresinin Nümayəndələr Palatasına Ukraynaya yardımla bağlı qanun layihəsini dəstəklədiyinə görə təşəkkür edib.
“Mən ABŞ Nümayəndələr Palatasına, hər iki partiyaya və şəxsən spiker Mayk Consona tarixi doğru yolda saxlayan qərara görə minnətdaram”, Zelenski X səhifəsində yazıb.
Forum